¿QUEN ESTÁ DETRÁS DO PROXECTO?
Nós
Somos catro irmáns que queremos protexer e recuperar o patrimonio dos nosos pais.
Temos unha casa que se mercou no ano 1983 para aproveitar parte do baixo como garaxe e bodega.
Como a casa non era necesaria pouco a pouco foi abandonada e o seu espazo exterior aproveitado para todo aquilo que non se tiraba.
Levabamos tempo, dende o falecemento do noso pai, con gana de recuperala. Quizais pola necesidade que sentimos de agarrarnos ao pasado o máis posible, de atarnos á terra.
Á aquela infancia chea de xente, de traballos e de vida. Para preservar o patrimonio familiar, pero tamén preservar a aldea.
Diversas dificultades, entre elas a pandemia, decidiron que non puidésemos iniciar a recuperación ata hai ben pouco.
Sen ningún tipo de axudas públicas, rematamos a primeira fase deste ilusionante proxecto. Dende o primeiro momento concibimos a reforma meticulosamente, tratando de non esquecernos de nada, cos mellores profesionais e coa máxima calidade, a que a nosa economía nos permitiu. Estamos moi orgullosos do conseguido.
Porén, o que conta é a segunda fase. Nesta, os protagonistas sodes vós, os nosos hóspedes. Desexamos que sintades na casa e en todo o espazo exterior o mimo e o cariño que nos trouxo ata aquí. Oxalá poidades gozalo tanto coma nós!
LUZ, COMODIDADE E BELEZA
A Casa
Pequena casa tradicional galega restaurada íntegramente na Ribeira Sacra.
DESCUBRE A NOSA CONTORNA
Roteiros, vilas, riqueza etnográfica...
Déixate conquistar pola Ribeira Sacra.
