Condicións de contratación
A casa alúgase completa.
Cancelación gratuíta ata 10 días antes da data de entrada, para cancelacións realizadas con posterioridade os gastos de cancelación serán os correspondentes ó 50% da estancia. Igualamos o mellor prezo atopado.
Non se permite fumar na casa.
Entradas: A casa está lista para ser ocupada a partir das 17:00 horas.
Saídas: O horario de saída da casa e as 12:00 horas.
Prezos
| Duración da estancia | Prezo por noite |
|---|---|
| De 2 a 6 noites | 140€ /noite* |
| Outras estancias | consultar por tlf/mail |
* Prezo para 2 hóspedes, cada hóspede adicional ten un custo extra de 40€/noite.
Cancelación gratuita ata 10 días antes da data de entrada. Máis información nas condicións de contratación.
Reserva agora a túa estancia en O Souto da Aldea
Contáctanos no teléfono 604 090 147
Estancia mínima 2 noites
A nosa casa está pensada para poder gozar de breves ou longas estancias na marabillosa Ribeira Sacra. Ten todas as comodidades para poder gozar dunha casa moderna rodeada de natureza e, por tanto, escoitando soamente os sons que esta nos ofrece, xa que se atopa o suficientemente afastada de bares e tendas para que os nosos hóspedes sexan os únicos turistas da pequena aldea. Os lugares máis próximos para comer ou comprar son: Albergue a Fábrica dá Luz (só tempada media/alta) a 2,5km (5 minutos); Cristosende a 5,6km (11 minutos); Parada de Sil a 8,5km (15 minutos); Boazo a 10km (21 minutos) e Castro Caldelas a 16km ( 29 minutos).
A casa atópase no centro da Ribeira Sacra, en pleno Cañón do Sil. Unha localización privilexiada para visitar tanto a ladeira ourensá como a luguesa, tal como pode observarse na localización que do noso aloxamento ofrece a páxina web do Consorcio de Turismo Ribeira Sacra. Extraordinaria páxina con toda a información necesaria para poder planificar a vosa viaxe con anticipación.
Anunciarvos que para chegar á casa a estrada comarcal é sinuosa e estreita, como case todas aquelas que tratan de conservar e protexer os lugares polos que discorren. Por iso, recomendamos, se é posible, chegar de día, xa que a luz do sol permitiranos gozar da impresionante paisaxe, coñecer o precioso val onde se atopa a casa e afastar as posibles incertezas que poden proporcionar aqueles lugares que se descoñecen. Sobre todo en zonas, como a nosa, cuxa formación xeolóxica resulta tan interesante. É oportuno lembrar que o río Sil é un dos máis antigos da península ibérica. E que a orixe do canón do Sil, como nos lembra o profesor López-Davalillo Larrea, non é fluvial senón tectónica. O seu encaixamiento, que se produciu no Terciario, e a morfoloxía do seu leito débese ao feito de discorrer por profundas fracturas que cuartearon o sur da provincia de Lugo e o norte da de Ourense en grandes bloques de granito. Simultaneamente, a acción erosiva das augas do Sil profundou este barranco. E foron estas ladeiras escarpadas as aproveitadas polos monxes e eremitas para levantar, primeiro, pequenas ermidas e igrexas, e mais tarde, grandes mosteiros.
