LUZ, COMODIDADE E BELEZA

A Casa do Souto da Aldea

Dispoñible todo o ano

100 m²

Ata 4 hóspedes

Totalmente equipada

O Souto da Aldea é unha vivenda de uso turística ubicada en Parada de Sil, no corazón da Ribeira Sacra.

Disfrutarás dunha casa completa de 100m² con 2 dormitorios, 2 baños, cociña, comedor e salón completamente equipados para recibir visitas durante todo o ano.

Ademáis, a casa conta cunha espectacular terraza e xardín desde onde disfrutar das vistas do Canón do Sil.

dende

120€ / noite

Os servizos

Xa che adiantamos que en O Souto da Aldea estarías como na propia casa.

¿Inda non nos cres? Deixámosche o desglose de todos os servizos e equipamentos que atoparás na casa durante a túa estancia.

Ademais, a casa conta con calefacción, fermosas vistas e aparcamento gratuíto.

Entrada sen chanzos ao aloxamento, camiño sen banzos ata a entrada do aloxamento.

A Cociña

vitro-indución
lavalouzas
forno
microondas
neveira
torradora
vaixela
tixolas
potas de distintos tamaños
cesta para a comida ao vapor
cafeteira italiana e de cápsulas (admite varios tipos)
xogo de cubertos
copas para viño
para cervexa e para auga

Baños

champú
xel
papel hixiénico
secador do pelo
toallas

Dormitorios

sabas
colcha
cuna con roupa de cama

Salón

sofá
pantalla
zona para traballar
calefacción
aire acondicionado
wifi
caixa de primeiros auxilios

Moito máis que unha casa para aluguer turístico

Somos catro irmáns que queremos protexer e recuperar o patrimonio dos nosos pais, devolvendo o valor a unha casa familiar vida a menos pero con moito potencial.

O proxecto arquitectónico da casa correu a cargo de Ana Recuna e Iñaki Mendizábal. Eles nos axudaron a conseguimos que unha pequena casa, xa que partimos da estrutura que había, se convertese nunha casa chea de luz, comodidade e beleza.

A casa está repleta de detalles, obras de arte e recunchos con encanto que farán que te sintas como na túa casa.

O escultor Cándido Caneiro, Lumeares (A Teixeira), creou para O souto da Aldea tres obras específicas: Sete caras, fai referencia ás sete caras da pedra que denominan os canteiros (sete posicións); Lombada, fai alusión ás ladeiras do río Sil por estas terras; Por-tal é…cal? relaciona os vínculos, ás conexións, ás ligazóns.

Tamén forma parte da obra de Caneiro Obxecto topado e transformado, a cara no espello, unha cara fronte a outra.

O mirador do Souto da Aldea

O camiño público, a carón da casa, separa esta co Miradoiro do Souto da Aldea. Un espazo para gozar dun terreo que noutro tempo foi viña. Aínda podemos recoñecer algunhas vides, entre elas, o noso famoso alcabril, e contemplar o Canón do Sil mirando cara Val do Can.

Podemos subir polos pataos (socalcos) e Imaxinar a dificultade engadida que supuña o terreo escarpado ao traballo do campo, de aí o nome de viticultura heroica. Poucos bancais teremos que subir para poder contemplar o río Sil, fronteira natural das provincias de Lugo e Ourense.

A altura permitiranos enxergar na ladeira de Lugo: as terras do concello de Sober coas famosas viñas de Amandi, A Barca de Abaixo, o Santuario de Nosa Señora de Cadeiras onde se pon o Sol durante uns días no verán.

Na beira de Ourense contemplaremos: Val do Can, Parada de Sil, o Monte Meda e as parroquias de Chandrexa e Sacardebois.

Prezos

Duración da estancia	Prezo por noite
De 2 a 6 noites	120€ /noite*
Outras estancias	consultar por tlf/mail

* Prezo para 2 hóspedes, cada hóspede adicional ten un custo extra de 40€/noite.

Cancelación gratuita ata 10 días antes da data de entrada. Máis información nas condicións de contratación.

Reserva agora a túa estancia en O Souto da Aldea

Contáctanos no teléfono 604 090 147

Estancia mínima 2 noites

Ubicación

A nosa casa está pensada para poder gozar de breves ou longas estancias na marabillosa Ribeira Sacra. Ten todas as comodidades para poder desfrutar dunha casa moderna rodeada de natureza e, por tanto, escoitando soamente os sons que esta nos ofrece, xa que se atopa o suficientemente afastada de bares e tendas para que os nosos hóspedes sexan os únicos turistas da pequena aldea. Os lugares máis próximos para comer ou comprar son: Cristosende a 5,6 km (11 minutos) só restaurante; Parada de Sil a 8,5 km (15 minutos); A Teixeira 7,3 km (14 minutos) e Castro Caldelas a 16 km (29 minutos).

O Souto da Aldea atópase no centro da Ribeira Sacra, en pleno Cañón do Sil. Unha localización privilexiada para visitar tanto a ladeira ourensá como a luguesa, tal como pode observarse na localización que do noso aloxamento ofrece a páxina web do Consorcio de Turismo Ribeira Sacra. Extraordinaria páxina con toda a información necesaria para poder planificar a vosa viaxe con anticipación.

Anunciarvos que para chegar á casa a estrada comarcal é sinuosa e estreita, como case todas aquelas que tratan de conservar e protexer os lugares polos que discorren. Por iso, recomendamos, se é posible, chegar de día, xa que a luz do sol permitiranos gozar da impresionante paisaxe, coñecer o precioso val onde se atopa a casa e afastar as posibles incertezas que poden proporcionar aqueles lugares que se descoñecen. Sobre todo en zonas, como a nosa, cuxa formación xeolóxica resulta tan interesante.

O nome

O Souto da Aldea é o topónimo do lugar onde está construída a casa e o seu xardín. Motivo polo que decidimos que este debía ser o nome que levase.

Galicia é un país riquísimo en toponimia. Como di Xesús Ferro Ruibal:

“O home ponlle nome a todas as realidades coas que ten unha relación directa, intensa e diaria. Por iso, o feito de que en Galicia cada regueiro, cada prado, cada camiño, cada penedo, cada monte, cada fonte teña o seu nome é unha demostración de que a relación dos galegos coa natureza é sempre moi intensa. E por iso, cada nome é un documento. Ás veces, un documento moi antigo”

A toponimia, como el di, é un tesouro documental. Non podía haber mellor razón para a escolla. E sobre todo cando soubemos, grazas a información recibida por Asesoramento Lingüístico da Secretaría Xeral de Política Lingüística, previa consulta realizada por eles ao Seminario de Onomástica da Real Academia Galega, de que en Galicia Nomeada só aparecen recollidos tres microtopónimos idénticos. O Souto da Aldea aparece recollido en Sarria (Lugo), en Celanova (Ourense) e o da nosa aldea.